Stord Open 2012 vart stor stas. 27 deltakarar fullførte turneringa. Det var opplett, fint vêr og gode speleforhold.

I klasse A tok Anders Langeland 1. plassen – for andre året på rad. Anders brukte til saman 83 slag på dei 27 hola. Etter ein bra start låg han -5 etter 13 hol, men nokre dårlege utslag gav han 4 bogeyar på rad. Han enda dermed fyrste 18 eit slag under par.

Hol 8 på siste runden vart avgjerande for Anders sin del; Utslaget var for langt, og sidan ballen planta seg godt inntil steinmuren bak greenen, vurderte han å slå på ny. Landslagsspelaren valte å slå ballen frå der den låg, fekk så til ein brukbar chip, før han satt putten i holet, og kom frå holet med ein akseptabel +1 frå eit vanskeleg utgangspunkt. Anders hadde då eit slag å gå på mot Bernt Kristian Nerland før siste holet.

Bernt Kristian Nerland måtte til slutt ta til takke med 2. plassen – han brukte 85 slag på dei 27 hola. Jan Åge Sande fekk 3. plass med 89 slag.

Yngste deltakar i feltet heiter Bård Skogen, og er berre elleve år gamal. Bård låg lenge an til bronse, men delte til slutt 4. plassen med Ørjan Olaussen. Dei enda begge på 91 slag.

1., 2., og 3. plass i klasse A:  Jan Åge Sande, Anders Langeland og Bernt Kristian Nerland.

I klasse B vart det veldig jamt om 1. plassen!

Morten Hillestad og Fred Larsson brukte begge 104 slag på dei 27 hola. Sidan Morten spelte best siste 6, tok han 1. plassen. Astri Andersson enda på 3. plass med 112 slag, og Per Skjønberg på 4. med 114 slag.

1., 2., og 3. plass i klasse B: Astri Andersson, Morten Hillestad og Fred Larsson

Fullt resultat finn du her.

Litt bilete frå turneringa:

Bård Skogen som mottar premie

Bilete frå premietrekkinga