Bilete: Jostein Dahl puttar i kjent stil med "Jossajuvet" i bakkant

Med ny personleg rekord på 53 slag brutto og sterke 43 slag netto, henta Jostein “Jossa” Dahl heim ein imponerande siger i T-Tour 13.

Dette var nok ei kjærkomen oppmuntring til ein av Kristtornskogen sine mest røynde spelarar.

Etter å ha “rota” litt i arkivet, har me funne ut at me må heilt tilbake til 10.juni 2010 for å finna “Jossa’n” si siste topp 3 plassering.(Korrigér oss viss me tar feil)

Førre vekes nykomling Roar Hystad leverte også ei strålande turnering, og tok andreplassen med 43 slag netto. Dette var like mange som vinnaren, men med høgare HCP, og totalt 63 slag brutto, måtte han likevel sjå seg slegen.

Anders Langeland ser ut til å ha funne toppforma og med 52 slag brutto hadde han dagens beste score. På ein vanleg dag i Kristtornskogen kunne 48 nettoslag heldt til turneringssiger. Denne gangen måtte han derimot ta til takke med 3. plass.

Vidare vil me gratulera Ben Ståle Henriksen med karrierens fyrste Hole in One. Det glitrande slaget presterte han på hol 17.

Resultat T-Tour 13 – Slag

Resultat T-Tour 13 – HCP

Samanlagtlister under:

T-Tour Samanlagt – Slag

T-tour Samanlagt – HCP